ម៉េង កែវជ្ជតា លាន់មាត់ថា៖ “ក្មួយៗ​ The voice kid ហង្សមាស​ នាងៗគួរអោយស្រលាញ់ណាស់”

ម្សិលមិញនេះអាពាហ៍ពិពាហ៍របស់តារាចម្រៀងស្រីដ៏ល្បីឈ្មោះ កញ្ញា សុគន្ធ និសា និងអនិកជនមកពីអាមេរិក លោក ចៅ សម្បត្តិ ដែលបានរៀបចំនៅសណ្ឋាគារសូហ្វីតែល មានការចូលរួមពីសំណាក់សិល្បករ និងសិល្បការនីយ៉ាងច្រើន។ ជាពិសេសកូនក្រុម The Voice Kids Cambodia របស់ សុគន្ធ និសា គឺកុមារី ណូ ឈូសុីវហេង, អ៊ុក សុវណ្ណារី និង ឃុយ មុីហៀង ក៏មានវត្តមាននៅក្នុងពិធីមង្គលសិរីគ្រូបង្វឹករបស់ខ្លួនផងដែរ។ ជាពិសេសអ្នកទាំងបី បានឡើងបកស្រាយបទចម្រៀងរួមគ្នា ធ្វើឲ្យមានបរិយាកាសរាំកម្សាន្តយ៉ាងសប្បាយរីករាយ។ ក្នុងនោះផងដែលអ្នកនាង ម៉េង កែវជ្ជតា ជាតារាចម្រៀងជើងចាស់ដែលបានចូលរួមក្នុងពិធីមង្គលការសុគន្ធ និសា ធ្វើការកោតសរសើរចំពោះកូនក្រុមសុគន្ធ និសា គឺកុមារី ណូ ឈូសុីវហេង, អ៊ុក សុវណ្ណារី និង ឃុយ មុីហៀង  ព្រោះតែភាពរួសរាយ ជាមួយពិសេសបានសុំអ្នកនាងថតរូបជាមួយពោរពេញដោយស្នាមញញឹម។ យ៉ាងណាមិញអ្នកនាង ម៉េង កែវជ្ជតា បានបង្ហាញអារម្មណ៍រីករាយ និងបានសរសេរហ្វេសប៊ុករបស់ខ្លួនថា៖ “អ្នកគ្រូៗ​ កូនសុំថតជាមួយអ្នកគ្រូ​! ក្មួយៗ​ The voice kid ហង្សមាស​ នាងៗគួរអោយស្រលាញ់ណាស់​”៕